Föstudaginn 18. mars kl. 12-16, Háskólanum á Akureyri, stofu k-201
Á námskeiðinu „Markaðsstarf með áherslu á upplifanir og netið“ fer Guðmundur Arnar Guðmundsson, markaðsstjóri Nova, yfir hvernig fyrirtæki geta skapað sér sérstöðu á markaði með sterkri, jákvæðri og einstakri upplifun fyrir sína viðskiptavini.
Á námskeiðinu, sem haldið er í samstarfi við Íslandsstofu, verður einnig fjallað um hvernig leitarvélar, samfélagsmiðlar, ePR/veirumarkaðssetning, vefborðar og tölvupóstar geta hjálpað fyrirtækjum að auka sölu og hámarka árangur markaðsstarfsins.
Dæmisögur frá íslenskum og erlendum fyrirtækjum sem hafa náð góðum árangri verða skoðaðar og farið yfir hvaða lærdóm megi draga af þeim.
Að námskeiði loknu eiga þátttakendur að geta mótað markaðsstefnu og hafa öðlast skilning á hvernig unnt er að ná hámarksárangri með markaðssamskiptaleiðum netsins og skapa aðgreiningu með upplifun.
Námskeiðið er ætlað fyrir framkvæmdastjóra, markaðsstjóra, vörumerkjastjóra og aðra stjórnendur jafnt sem starfsmenn sem koma að stjórnun markaðsmála í bæði litlum og stórum fyrirtækjum.
Verð 19.900 kr. per. þátttakanda. Innifalið eru kaffiveitingar ásamt námskeiðsgögnum.
SKRÁ MIG Á NÁMSKEIÐ
Allar nánari upplýsingar um námskeiðið veitir Guðmundur Arnar Guðmundsson, gudmundurg@ru.is.