Nýr vefur Inspired by Iceland er kominn í loftið. Vefurinn er með talsvert breyttu sniði og á að endurspegla muninn á verkefninu Ísland - allt árið og hinu upprunalega Inspired by Iceland verkefni. Á nýjum vef er leitast við að bæta úr sýnileika þess efnis sem framleitt hefur verið undir merkjum Inspired by Iceland.
Við gerð vefsins var sérstaklega hugað að auknu vægi farsíma og spjaldtölva í netnotkun. Vefurinn aðlagar sig sjálfkrafa að skjástærð þess tækis sem hann er skoðaður í og birtist rétt, óháð stærð. Þá hefur sýnileiki þátttakenda í verkefninu verið bættur.
Hönnun vefsins var í höndum Íslensku auglýsingastofunnar, en TM Software hefur séð um forritunarvinnu og tæknilegar lausnir.