Íslandsstofa kynnir markaðs- og söluþjálfun fyrir þá stjórnendur fyrirtækja í mannvirkjahönnun sem afla verkefna erlendis.
Í verkefninu er farið yfir ýmis hagnýt atriði sem nýtast í markaðsstarfi og samskiptum við erlenda kaupendur. Í maí er áætluð markaðsheimsókn til Noregs þar sem skipulagðir verða viðskiptafundir og fyrirtæki í einkageiranum heimsótt.
Dagskrá:
- Vinnufundur 30. janúar: söluskilaboð og markaðsefni, menningarlæsi og samningatækni
- Vinnufundur 20. febrúar: samskiptahæfni, sölutækni og þjónusta
- Vinnufundur 11.-13. mars: kynningartækni og kynningar fyrir erlendum kaupendum
- Markaðsheimsókn í maí: Osló, Stavanger og Bergen
Þátttökugjald fyrir vinnufundina þrjá er kr. 160.000. Innifalið í gjaldinu eru öll gögn, veitingar og gisting á síðasta vinnufundi. Kostnaður vegna Noregsferðar er ekki innifalinn í þátttökugjaldi.
Þetta er samvinnuverkefni faghóps mannvirkjahönnuða og Íslandsstofu. Nánar um fyrirlesara og viðfangsefni.
Áhugasamir eru vinsamlegast beðnir um að fylla út meðfylgjandi umsókn um þátttöku í verkefninu og senda á Björn H. Reynisson, bjorn@islandsstofa.is.
Nánari upplýsingar veita:
Björn H. Reynisson, bjorn@islandsstofa.is,
Erna Björnsdóttir, erna@islandsstofa.is og
Hermann Ottósson, hermann@islandsstofa.is